،، انا المصري،، بقلم،، فتحي بهجت
@@@@@@@@( انا المصري. )@@@@@@@@
انا
المصري انا الفلاح انا الغلبان انا اللي حقه مهضوم
فلاح
وارضي قطعه مني هيه حياتي وقوت يومي على مدار السنين
بديها من شقاي وعرقي الجهد الكبير احرتها بمحرات الحديد
افج
بطنها اقلب ترابها للتجديد واشق نصها مجرى بالطول واحوض
الاحواض مربعه تربيع وارمي البذره للتخضير وافتح الميه
تروي
الجميع شهر شهرين تهل بشاير الخير اوكل بهايمي منها استفيد
البان واجبان وسمنه بلدي ثروي حيوانيه اكتفاء ذاتي يا بني
ادمين
ولما ييجي وقت الحصاد ابيع منه واخزن من جميع المحاصيل
عيشه بسيطه رغم التعب الكبير ما هو اللي يتعب يلاقي مش
كده
ولا ايه مرت الايام والسنين اتغيرت حاجات كتير ومفيش حاجه
بقيت على حالها احنا اللي اتغيرنا مش الايام والسنين
والله
زمان يا زمن الخير مشتقين لايام الخوالي تعود واللي عنده
ارض
ربنا يبارك ويزيد واللي معندهوش ياريت الساده الحكام يعطوه
والعاطي رب الكون ما هي الارض واسعه مخلينها لمين سلموها
للفقراء المعدمين وبدل يا عيني ما ابن الفقير يخلص تعليم
ويقضي
فترة الجيش ويسافر بلاد الغربه يشوف فيها الويل ما هو كله
هم
وهموم العقد اللي هيه الفيزا شوف يا سعادة الباشا والبيه
التكاليف
كد ايه ومنين يجيب المسكين كله سلف ودين وهناك في بلاد
الناس
خود عندك كشف صحي وضمان شهري والتجديد السنوي
ميعرفش
يا ولداه يلاقيها منين ولا منين واخرت المتمه يادوب مصاريف
البيت ساقيه بيدور فيها يعني عايش ميت وميت عايش
طب
ليه واحنا بلادنا بلاد الخيرات والنعيم ولو عنده حتة ارض له
ولاولاده
شوف كم مليون فقير هيعيشو بني ادمين والخير هيعم على
الجميع دا غير حل مشكلة التكدس السكاني هو دا حلها الوحيد
ما هو احنا باردك مصريين والارض ارضنا الجميع ياريت الكلام
يوصل لكل مسؤول وياخد بعين الإعتبار ويخلي باله من
الوسايط
اللي بياخدو حق الفقير ويسارع في التنفيز ويسعد قلوب الغلابه
المعدمين بس واحيات اللي بتحبهم بلاش تبص لي في لحظة
غضب
والاقي نفسي في السجون او الناس الحبايب يترحمو علي
ويقولو
كان ليه مكنتش خليتك ساكت وبلاش تتهور
يارب
دي شكوة كل مظلوم فقير معدوم حنن عليه القلوب
فتحي بهجت
٢٠٢٢/٢/٤
تعليقات
إرسال تعليق