،، جمل الحمول،، للشاعر،، مصطفي كرم
*** جمل الحمول ***
جمل الحمول اهو برك
من كتر شيل الاحمال
ومعدش فارد ضهره
والحمل عليه اهو مال
عايش حياته ترحال
وصبره بقي موال
زاده في الدنيا لقمة
تكفيه طول الأميال
تشوف في عيونه دمعه
وما ينطق كلمة محال
وصاحبه غشيم مقاوح
لا يعرف صبر الجمال
عايش لنفسه تملي
ودي علة الجمال
ما يهمه يتعب جمله
المهم كسب المال
احفر يا جمل الصخر
وهاتلي مال أرطال
أبغدد بيها نفسي
وأروق بيها العيال
وكفاية عليك لقمتك
ونومتك كما الأعلال
لكن بقولك كلمة
احذر غضب الجبال
لو يوم صبري نفد
من شدة الاهمال
هتشوف مني العجب
وتعيش ف الأهوال
تتحسر علي دنيتي
وتقول كان حمال
يا ريت يرجع لنا
هيدوق عسل النحال
لكن ما ينفع ندم
دي العبرة بالأفعال
***********************
بقلم / مصطفى كرم
تعليقات
إرسال تعليق