،، الله يرحمك يابا،، بقلم،، يحي زكي

اذا كنت غبت عن دونيانا

لكنك لسه عايش جوانا...

لسه حسك بكل ركن...

لسه صورتك ساكنه العقل

تفتكر يابا ..بعد رحيلك

ان أبنك عايش بسعاده

تفتكر يابا ..بعد رحيلك

كل حلو ماسخ بزياده...

سبتنى بدرى...

سبتنى بدرى ومنك مشبعتش

انكسر ضهرى ولفراقك ...

كأنى معشتش...

وفضلت استنى استنى..

بمرار الانتظار...

بس انت مرجعتش...

ارجع واراجع نفسى..

واجرى على قبرك...

واحس انى مرمى بحضنك

ولما كنت ازعلك..

وتنصحنى بكلامك...

واعمل انى مسمعتش

كنت اراجع نصييحك

واجرى عليك واصالحك

ترد وتقول يابنى...

انا لسه ماموتش..

فاكر يابا....

فاكر يابا ابنك بعدك

عايش بسعاده...

لما كانت على ايامك

كانت مفروشه براحة البال

وضحكتك ترن وتملا البيت

انا واخواتى لما كنا عيال..

وفى عز تعبك وشقاك...

ولما كنت تغيب نقعد نستناك

عمرنا بيوم ماشيلتنا الهم...

ولا عشنا بيوم دوقنا الانكسار

وقتها لما كنا معاك...

وارجع واراجع نفسى من جديد

واحساس انك سامعنى اكيد..

وارفع ايدى لرب الكون...

وادعيلك من كل قلبى

يجعل جناته مثواك 

يجعل جناته مثواك

الله يرحمك يابا.......

بقلم الابن/ يحيى زكى