،، دقيت علي الباب الغلط،، بقلم
( دقيت ع الباب الغلط )
::::::::::::::::::::::::::::::::
احساسي من ايدي اتفرط
خني ودقيت ع الباب الغلط
مالوش لزوم اعتب واللوم
قلبي اللي شافك قام شبط
:::::::::::::::::::::::::::::::::::
صحيح العتاب من المحبة
وانت مالكش ذنب ف كدبة
أنا ابتديتها واقنعت نفسي
انك تبادلني الشوق واللهفة
::::::::::::::::::::::::::::::::::::
أنا عارف مشاعري محتاجة
ابطل امشي وراها بسذاجة
وتبطل طيش ولا تبنيش
احلام أسسها ولا حاجة
::::::::::::::::::::::::::::::::::::
محتاج اشوف واحث بعقلي
ماعشي قصة بيتهيالي
بقلب اعمي بيشوف الضلمة
قمر وقال ايه بيضحكلي
:::::::::::::::::::::::::::::::::::
بقربي منك رخصت نفسي
بكبر حب تطلع خيبتي
اكبر منه وانا مستني
قال ايه فكرك هتعوضني
:::::::::::::::::::::::::::::::::::
#دقيت_علي_الباب_الغلط
#سامح_الجندي
تعليقات
إرسال تعليق