،، هز الغربال،، بقلم،، رويدا عبد الحي
هز الغربال
هز الغربال ياسيد
حبك في قلبي سيد
وانت في عيني سي السيد
تفحة منك أطيب
وابقي منك قريب
ولجرحي انت الطبيب
وف كرمك انت جيد
هز الغربال ياسيد
خدنا في حماك يابا
يارمز الطيابة
ده انت ابن الأصول
والزمن مهما فيك
كان فاعل برضه
أنت فيه مفعول
ده أنت للسر حافظ
وعمرك ما هتقول
هز الغربال ياسيد
بكرة العيد يجي ونعيد
ونبقي مبسوطين
مهما تعبنا وشقينا
برضه إحنا راضيين
باللي تجود بيه علينا
أصل إحنا طيبين
هز الغربال يا حنين
وقع كل الكدابين
خلي بس الصادقين
اللي بيوفوا بالوعد
مش اللي منافقين
هز الغربال ياسيد
اكيد الحلو جاي
مهما اتأخر علينا
ومهما شربنا المر
برضه كله هيمر
هز الغربال يا كبير
خليك انت الأمير
صاحب أفضال كتير
والمر في إيدك حلو
هز الغربال وكفاية
إن أنت بس معايا
وبيك أختم الحكاية
ده انت أحلي سي السيد
هز الغربال يا سيد
رويدا عبد الحي
تعليقات
إرسال تعليق