،، انا الدرويش،، بقلم،، محمود الدخميسي
أنا الدرويش
محمودالدخميسي
اصحي
اصحي ياعم
هنا درويش
الميدان كله دراويش
والشاويش نازل تهويش
والعسكري بيقول حلق حوش
امسك درويش
ياشاويش
درويش دارويش دارويش
ملو الميدان. بالدخان والريش
صوت المدد هز البلد
مدددد مددددد مدددددددد
مدددد مدددددد مدددددد
وادي درويش بينادي علي أصحابه
يلا تعالو يلا تعالو
اهو م جيهم صحبه.
حلوه الرحمه ياشويش
إحنا دراويش. إحنا دراويش
بحب النبي. نفرح ونعيش
الليله المولد. والمولد يكمل إزاي
من غير دراويش
سمع الحاوي صوت الدراويش
مدددد مدددددد مدددددد
خاف الحاوي. لم الثعابين'’التعابين
هاب الموكب. وصوت التهليل
قال. توبه النصب علي البني ادمين
شافوا دموع الحاي.
قالو تعالي ياحاوي يامخاوي
صلي علي المصطفى الأمين
وكفياك نصب علي البنى ادمين
مدددددد مدددددد مدددددد
صلي علي النبي الكريم
ارفع الأذان يامقيم
يهرب فوري الشيطان الرجيم
إحنا دايما فتحين بابه
ماهو شيطان واخدنا أصحابه
ويفرح لما نكون أحبابه
ويفرق بين المسلم وكتابه
ويفرق بين الأب وولادة
والساجد ما يسبه في حاله
شوف المسلم إيه صابه
من الشيطان وأصحابه
أرفع الأذان يامقيم
يادرويش انده علي الدراويش
شوف علي النصيه مين واقف
في ولاد الناس بيعاكس
الناس منه بتضايق
بيتنطط زي النسانيس
ماله الواد دا شكله مهيس
شامم دا. ولا هبو حشيش
يآرب يامغيث. اقبل دعوة الدرويش
اهدي العاصي. وارفع غضبك عنا
واهدينا لطريق الجنه
الناس. من الناس خلقها ضاق
وبتشتكي من الضيق بشكل مريب
ارفع سكينتك ياضعيف
ليه تقتل روح
ربنا خلقتها تعيش
طول بالك ياشويش
إحنا غلابه. ودراويش.
بنصلي علي النبي نعيش
نزعل نزعل ونصفي علي مافيش
شوفت الوسطه
خلت الدنيا آخر سلطه
كل دا من التطبيل
الفئران ويا القطط بتعيش
في الجحرالثعبان راقد
مستني الأخ يعدي في لحظه غفله.
يمص علي طول دمه.
أخ من الثعبان ومن سمه
لما الثعبان يكون من البني ادمين
يادرويش. فين السبح فين الريش
البنت خلاص عايزه عريس
والعريس سبها وسافر
في الدنيا بيعافر علشان الشقه.
جات الشقه. فين المطبخ فين النيش
خليك ياحلو متغرب ابني وعلي وعمر
سيب الأرض تبور. ولا تبعها بكام مليم
لا احنا ياعم في الملاين. مبقاش فيه مليم
يالطيف إحنا فى رعاية رب عليم
ياريشه الدرويش ارسمي.
في وشوشنا علامه
يعرفونا بيها لما نكبر
لما نتوة في مولد الفقراااء
يا عسكري الحق حوش
الميدان فيه دراويش.
فقراااا ولاد فقرااااا
الصلاة علي النبي ترضيهم
وسجدة لله تغنيهم
رب العباد متكفل بيهم
طول ما الدمع في عيونهم
يارايح مولد الفقراااء
خد معاك نفحه.
أنا درويش إبن درويش
ياشاويش نشوفك في الميدان بكره
نصلي علي الرسول
وآل البيت
خلي البركة تكتر
بسم الله الله أكبر
أنا الدرويش
تعليقات
إرسال تعليق