،، تخاريف،، بقلم، د، جابر عبد الموجود الشريف

كتب د/جابر عبدالموجود الشريف

من يومين وانا قلقان ومش بنام وكل ما افتح التليفزيون ألاقي اخبار لا تسر عدو ولا حبيب وتغيرات سياسيه وجغرافية وكأننا في أخر الزمان وفي نص الليل جاتني فكره إني أخدم بلدنا وكده كده محدش واخد بالو 

..روحت جايب خريطه مصر الجغرافية وبدأت انقل محافظة قنا شويه ….شويه… لغايه ما حطيتها مكان اسكندريه .

وقولت بالمره نشوفلنا يومين حلوين ..

وفضلت احرك البلاد لغايه محولتهم كلهم الشمال جنوب والجنوب شمال.

واللي أكداي الفكره إني طليت من البلكونه لقيت ناس بلدنا ماشيت بالشورت ولهجتهم أتغيرت قولت أكيد التغيير نفع وبكده بقت قنا عالبحر المتوسط .

وروحت جبت لبنان مكان ليبيا وبلاد الشام مكان السودان وأثيوبيا 

على البحر الميت علشان تعمل سدود براحتها .

بصراحه الخريطه اتغيرت بسهوله قولت مدام الفكره نجحت أغير شويه في نظام البلد وروحت اتفقت مع الواد حمدي ودا عامل ف الأثار وهوا اللي طلع التمثال السنه اللي فاتت اللي كل الناس قالت عليه رمسيس إلا هوا وفي الاخر طلع كلاموا صح عرضت عليه يمسك وزاره الاثار قالي ماشي قولتله بس بشرط تحاول تجيب هرمين ف الأقصر والتالت وديه إسماعيلية وكده كده الأثار بتتنقل كل يوم حته بعد كده غيرت وزاره الإعلام ودي كلفت بيها الإعلامية سحر شوقي وكان شرطي الوحيد هو إلغاء جميع القنوات والابقاء على القناه الأولى والثانيه وتفعيل دور الإذاعه وبالذات صوت العرب ……. تصدقوا صح وحشتني كلمه مذيع صوت العرب من القاهره لأن نفسي صوت العرب كلهم يكون من القاهره بعد كده كلفت الإعلاميه رشا حافظ والأستاذ محمد المالكي برئاسه أتحاد الاعلاميين العرب وقولتلهم تجمعوا كل العرب وتخلوا قراركم واحد أما وزاره الصحه كلفت بيها الدكتوره رشا فرغلي ودي ست ب100 راجل ويمكن هيا اللي تعدل المايله ولم يبقي غير وزاره التعليم ودي كلفت بيها الاستاذ طه السمان أخصائي تطوير التعليم بس ده من ساعه ما سمع أنه هيبقى وزير قلع هدومه وقعد يجري ورا المستشفى وقعد يقول أنا وزير انا وزير وأتضطرينا نلغي الوزاره النحس دي بصراحه كان تغيير جميل والحياه ماشيه زي العسل وفجأه ألاقي ولدي الصغير بيصحيني من النوم ولما صحيت حكيتلهم كل اللي حصل قالوا معقول الكلام ده بالذات إزاي تخلي قنا مكان الإسكندريه قلتلهم هيا القدس كانت عربيه وبقت إسرائيليه !!!!!!!!

اشمعنى قنا متكونش مكان الإسكندريه ..