،، حب من طرف واحد،، بقلم شاعر الغلابه،، عبدالله رجب ابو عدنان
حب من طرف واحد.
عبدالله رجب ابوعدنان
مش بزايد على حبي ليها
ولو طلبت روحي افديها
ميتها بترويني
وشمسها بتدفيني
عمري ووجعي و سنيني
ف كل اوقاتي بفكر فيها
يجوز حاسس بالظلم
جوايا شقا وألم
واسعه الخطوه ما بيني وبين الحلم
ويجوز ساعات ابقى نفسي اتكلم
لكن يرجعني حنيني والف كلي ب العلم
وادعي ربنا يبارك خطاويها
يجوز تحب حد على حد
لكن كلنا ولادك بجد
اللي حفر القنال واللي بنى السد
واللي عمر واللي خضر
وحبك مكتوب ومتقدر
ياما نفسي اشوف ترابك ذهب أصفر
واسمك غنوه بكل اللغات نغنيها
وادي لحاف الصبر غطيت ربوعك
وادي حلمي بيستنى ف يوم رجوعك
مانا ضيك وخيك وانا بين ضلوعك
وانا النار وقت الضنا تحرق عدوينك
وكل منايا بحبك ف يوم تقوليها
تعليقات
إرسال تعليق